FANADINAM-PANJAKANA CEPE

Hivaly amin’ny Sabotsy ho avy izao

Fampianarana
Alakamisy 19 Jona 2025

Hivaly amin’ny Sabotsy 21 Jona ho avy izao ny fanadinam-panjakana CEPE

raha araka ny loharanom-baovao azo. Miankina amin’ny fari-piadidiam-pampianarana tsirairay avy anefa izany. Mizotra araka ny tokony ho izy ny fitsarana ny taratasim-panadinana nanomboka omaly Talata 18 Jona. Amin’ny ankapobeny raha araka ny vaovao azo dia ny taranja laza olana sy ny kajy no tena nampilatsaka ny naotin’ireo mpiadina. Nisy tamin’izy ireny mantsy no zara raha nahazo moyenne hoy hatrany ny vaovao azo. Na izany aza manantena vokatra tsara ny tompon’andraikitra. Nisy tamin’ireo mpiadina mantsy no tena tsara naoty tamin’ireo taranja hafa toy ny SVT sy ny jeografia. Tsiahivina fa miisa 571. 367 ireo mpiadina niatrika ity fanadinam-panjakana CEPE manerana ny Nosy tamin’ity taona 2025 ity. 6 taona no zandriny indrindra raha 43 taona no zokiny indrindra.
Pati
Legende : Manantena ny ho afaka ny ankamaroan’ireo mpiadina nanatrika ny fanadinam-panjakana CEPE !