FANADINAM-PANJAKANA BAKALOREA

Ora iray aorian’ny fanombohana vao afaka mivoaka ny mpiadina

Fampianarana
Talata 22 Jolay 2025

Ora iray aorian’ny fanombohan’ny laza adina sy ny fivoahan’ny laza adina

vao afaka mivoaka ny efitranom-panadinana ireo mpiadina Bakalorea rehetra manerana ny Nosy manomboka izao. Hisorohana ny mety hisian’ny tranga hafahafa no anton’izany hoy ny Ministra tompon’andraikitra omaly Alatsinainy 21 Jolay raha nanokatra tamim-pomba ofisialy ity fanadinam-panjakana ity tetsy amin’ny Lisea JJ Rabearivelo, CEG Antanimena, LMA Ampefiloha ary Masca Sabotsy Namehana ny tenany sy ireo mpiara-miasa aminy. Mikasika ny laza adina filozofia izay nanombohan’ny mpiadina izany moa ny maraina dia betsaka ireo natahotra ilay laza adina manao hoe : Ratsy ve ny fanjakana ? ka naleon’izy ireo nisafidy ilay laza adina hafa iray. Tsiahivina fa miisa 222. 330 ireo mpiadina nisoratra anarana amin’ny fanadinana bakalorea taona 2025, raha toa ka 218. 395 tamin’ny taon-dasa, izany hoe : nisy fitomboana.
Pati
Legende : Nilamina ny fanadinam-panjakana Bakalorea andro voalohany tamin’ny ankapobeny !