Fampianarana

Fanabeazana Tsy manan-danja eo amin�ny fiarahamonina Malagasy

Fampianarana
Talata 25 Aprily 2017

Azo hazavaina amin�ny antony telo ny tsy nahatraran�i Madagasikara ny Tanjon�ny taona arivo fahatelo, hoy ny mpandrindra nasionalin�ny CONAMEPT (Coalition Nationale de Madagascar pour l�Education Pour Tous) Huguette Rakotoarivony nandritra ny fanokafana ny SMA (Semaine Mondiale d�Action pour l�Education) teny Anosy omaly.

Eo ny fahasahiranan’ny mponina amin’ny ankapobeny niaraka tamin’ny krizy nifanesy ny taona 2002 sy ny taona 2009. Tranga nitarika ihany koa ny fahatapahan’ny famatsiam-bola avy amin’ireo mpiara-miombon’antoka. Antony iray farany ireo loza voajanahary toy ny rivodoza sy ny hain-tany. Voa mafy manokana tao anatin’ny OMD (Objectifs du Millénaire pour le Développement) taona 2000-2015 ny tontolon’ny fanabeazana. Efa nanana ilay antsoina hoe PSE (Programme Sectoriel de l’Education) moa isika ny taona 2003 izay nasiam-panitsiana ny taona 2005. Nanjavona tanteraka anefa io fandaharanasan’ny seha-panabeazana io ny taona 2009. Soa fa efa voarafitra ankehitriny ny PSE vaovao ho an’ny taona 2017 hatramin’ny 2020. Dingana goavana mbola takiana amin’ny fiarahamonina Malagasy kosa ny fanomezan-danja ny lafiny fanabeazana hatrany an-tokantrano, hoy ity tompon’andraikitra eo anivon’ny Conamept ity.

Ramano F.