Fampianarana

Fampianarana teknika Hiroso amin’ny fanatsarana ny minisitra vaovao

Fampianarana
Zoma 15 Jona 2018

Laharam-pahamehana ny fikarakarana ny fifidianana saingy tsy maintsy hatsaraina faran’izay haingana ny fampianarana teknika, hoy ny minisitra vaovao Rahantasoa Lydia Aimée omaly nandritra ny famindram-pahefana teo aminy sy ny minisitra teo aloha Raharimalala Marie Lydia.

Vitsy dia vitsy ary zara raha misy 2 % amin’ireo mpianatra afaka bakalorea no tafiditra eny amin’ny sekoly ambony polytechnique hatramin’izay. Araka izany dia hisy ny ezaka ety ifotony hamolavolana mpianatra tena mahay sy feno traikefa, hoy ity solombavambahoakan’i Madagasikara teo aloha voafidy tany amin’ny distrikan’i Manjakandriana ity. Hatao maika izany mba ho fitsinjovana hatrany ny ray aman-dreny, indrindra ny firenena manontolo. Ankoatra izay, nafindra tamin’ny minisitry ny asa vaovao Pierre Houlder omaly ihany koa ny fanofanana arak’asa, izay tsy horaisin’ny minisiteran’ny fampianarana teknika intsony manomboka izao.

Tsiry