Fampianarana

Faha 5 taonan’ny Oniversite Ravelojaona Hanome seho sy hetsika ara-koltoraly ireo mpianatra

Fampianarana
Alakamisy 19 Janoary 2023

Ho fankalazana an’Andriamanitra noho ny faha 5 taona nitsanganan’ny oniversity Ravelojaona dia hisy ny hetsika maro ho tontosaina ao amin’ny kianjan’ny fanatanjahantena Mahamasina ny tapak’andro marainan’ity anio ity.

Hiavaka, noho izany, ny fidirana ofisialy na “rentrée solennelle” eo anivon’ity oniversite an’ny Fiangonan’I Jesoa Kristy eto Madagasikara na FJKM ity, hoy ny rektora, ny mpitandrina Dr Ratsimandisa Zo. Ankoatran’ireo hetsika ataon’ny mpianatra dia hanafana ny fotoana koa, hoy izy, ireo antoko mpihira hafa toa an’I Ampifitia sy Koraita. Ankoatran’ny fampiofanana akademika dia misy eo anivon’ny oniversite koa tsinona ny fanofanana ivelan’izay na ilay antsoina hoe “para universitaire” toy ny fihirana, ny dihy, ny teatra. Samy mba hanome seho sy hetsika ara-koltoraly amin’io ireo mpianatra. Ho tonga ao koa ny oniversite any amin’ny faritra satria tsy eto ihany ny Oniversite Ravelojaona. Misy avy any Moramanga, Ambatolampy, Arivonimamo, Antsirabe. Ny fanompoam-pivavahana hisaorana an’Andriamanitra no hamaranana azy rehefa tong any amin’ny 11 ora, hoy hatrany ny fanazavana, ary ny fotoana rehetra dia anasana ny rehetra.
J. Mirija
Legende: Ny rektora, Dr Ratsimandisa Zo