Fampianarana

EPP Mahavelona Notoloran’ny Airtel kits scolaire ireo ankizy mpianatra

Fampianarana
Alarobia 28 Novambra 2018

Ankizy kamboty sy tsy manam-piahy ny ankamaroan’ireo mpianatry ny EPP Mahavelona.

Saika tsy manana fitaovam-pianarana hampiasaina ny ankamaroan’izy ireo amin’izao fidiran’ny mpianatra izao, antony nanosika ny tale jeneralin’ny Airtel Atoa Maixent Bekangba nanolotra kits scolaire ho azy ireo omaly. Mpianatra miisa 350 no nahazo tombontsoa tamin’izany, nahitana kahie, penina, feutres … Ankoatra ireto fitaovam-pianarana ireto dia nametrahan’ny Airtel efitrano manokana hahafahan’ireo mpianatra mianatra ny informatika ihany koa ity EPP iray ity. Ahitana fitaovana toy ny laptops sy connexion haingam-pandeha io efitrano iray io hahafahana mampivelatra ny fahalalan’ireo ankizy madinika. Tsiahivina fa efa folo taona izao no niahian’ny Airtel ity sekoly ambaratonga fototra iray ao Mahavelona ity. Maro ireo fotodrafitrasa efa natsangany tao an-toerana nandritra izany toy ny fanamboarana ny efitranon-tsekoly, ny trano famakiam-boky, ny fanampiana ireo mpampianatra…

Pati