Fampianarana

EPP ANTANIMBARINANDRIANA Nahazo trano famakiam-boky

Fampianarana
Alakamisy 23 Martsa 2017

Nahazo trano famakiam-boky ny EPP etsy Antanimbarinandriana. Omaly no notokanana tamim-pomba ofisialy ny fotodrafitrasa,

vokatry ny fiaraha-miasan’ny fanjakana tamin’ny sehatra tsy miankina sy ny masoivoho vahiny ary ny miinisitera misahana ny fotodrafitrasa. Naharitra telo volana ny asa, tetikasa izay vokatry ny fanirian’ny vadin’ny filoham-pirenena Voahangy Rajaonarimampianina entina hanampiana ireo ankizy madinika mpianatra. Avy hatrany dia novatsiana boky maro isan-tsokajiny miisa 5.000 ity trano famakiam-boky iray ity. Misy solosaina 20 isa ihany koa ao anatiny hahafahan’ny mpianatra mikaro-baovao sy mampiasa ireo teknolojia avo lenta. Novatsiana jiro mandeha avy amin’ny herin’ny masoandro ihany koa moa ity tranon-tsekoly iray ity. Nahazo trano fisakafoanana vaovao ihany koa ny mpianatra. Nohavaozina ihany koa ny efitranon-tsekoly efa antitra rehetra. Tonga nitokana izany ny filoham-pirenena.

Pati