Fampianarana

EPP Ambihy-Arivonimamo II Nanateran�ny depiote Rodin dabilio sy solon-tsakafo

Fampianarana
Alarobia 01 Martsa 2017

Nasiam-panatsarana ny EPP Ambihy, distrikan�Arivonimamo II. Dabilio miisa 21, vola hoenti-mampihodina ny �cantine scolaire�

ary fanampiana ho fanatsarana ny efitrano fidiovana, no natolotry ny depiote TIM Rakotomanjato Rodin ny sekoly sy ny ray aman-drenin’ny mpianatra ny sabotsy 25 febroary teo. Tsy afa-nanitatra ny ray aman-drenin’ny mpianatra noho ny vesatra amin’ny fiantohana ny karaman’ny mpampianatra FRAM. Efa an-taonany ihany koa no nitsahatra ny fanomezana sakafo ho an’ny ankizy teo anivon’ity sekoly ity, nefa lavi-podiana ny ankabeazan’ireo mpianatra. Taorian’ny fidinany nijery ny zava-nisy dia nanolotra fitaovana sy vola ny solombavam-bahoaka voafididy tao Arivonimamo, Rakotomanjato Rodina. Tanjona ny fanavaozana ny fotodrafitrasa ampiasain’ny mpianatra, izay efa mihasimba ary ny fampirisihina ireo ankizy hazoto hamonjy sekoly. Tsy tokony hojerem-potsiny ny fahoriana mianjady amin’ny zanaka Malagasy, hoy izy. Taninketsan’ny firenena ny sekoly nefa tsy mametraka azy ireny ho laharam-pahamehana ny fitondram-panjakana. Saika mijaly avokoa ny ankabeazan’ireo zaza manovo fahalalana eny anivon’ireny sekoli-panjakana ireny ho an’ny faritra ambanivohitra sy lavitr’andrina, raha ny fanazavana hatrany.

Jean D.