Fampianarana

Ecole de coupe et couture Volana Namoaka ny andiany Miakanjo tsara faha-25

Fampianarana
Alatsinainy 02 Jolay 2018

Namoaka ny andiany Miakanjo tsara faha-25 ny Ecole de Coupe et Couture Volana. Miisa 214 mianadahy izy ireo no navoaka ny faran’ny herinandro teo ka ny folo dia lehilahy avokoa.

Anisan’ireo mpianatra efa nampiharana ilay fomba fampianarana vaovao eo anivon’ny ECCOVA izy ireo, hoy Razanamanalina Volana filoha mpanorina ny sekoly. Tratra ny tanjona nametraka tamin’ireto mpianatra navoakany ireo, hoy hatrany izy. Samy afa-panadinana avokoa mantsy izy ireo nandritra ny fanadinana nampanaovin’ny fanjakana azy na teoria na fampiharana, miaraka amin’ireo mpianatry ny Eccova manerana ny Nosy. Anisan’ny nampianarana azy ireo ny fanaingoana ny atin-trano, ny poketra sy ny kiraro ary ny lamaody amin’ny ankapobeny. Mbola hitohy any amin’ny faritra izao famoahana mpianatra izao ka ao Moramanga no hanohizana izany ny fiandohan’ny volana jolay ho avy izao. Ny 2, 6, 7 jolay ho avy izao ny fidirana manaraka raha toraka izany koa ny volana aogositra. Efa misokatra ihany koa ny fisoratana anarana ho an’ireo te hanaraka fiofanana mandritra ny vakansy lehibe.

Pati