Fampianarana

ECCOVA Hanampy ny tanora amin’ny fitadiavana asa

Fampianarana
Zoma 29 Jona 2018

Anisan’ny olana sedrain’ny tanora maro manerana ny Nosy ny tsy fahitana asa, eny fa na dia ho an’ireo nahavita fianarana aza.

Vonona ny hanampy an’ireny tanora ireny ny Ecole de Coupe et Couture Volana na ny ECCOVA, tarihin-dRazanamanalina Volana. Ho azy ireo mantsy, ny fanofanana arak’asa dia anisan’ny lalana iray ahafahan’ny tanora mamorona asa ho an’ny tenany, fa tsy voatery hiasa aman’olona foana. Lalana iray hahafahana mampiroborobo ny vita malagasy, hoenti-miady amin’ny fitobaky ny « friperie » ihany koa, ny fanofanana mpanjaitra matihanina, izay nomarihiny manokana fa tsy anavahana na lahy na vavy. Hitondra paikady vaovao entina hanatsarana ny fanofanana ny mpianatra hatrany izy ireo, araka izany, hetsika izay efa natombony tamin’ny fiandohan’ny taona. Ankoatra izay dia hohatsaraina hatrany koa ny fitsipika mifehy ireo mpianatra, mba hahazoana vokatra tsara sy mahomby. Marihina moa fa anisan’ireo mpianatra efa nampiharana ilay fomba fampianarana vaovao ireo havoaka anio eny Ampitatafika. Mpianatra an-jatony no ao anatin’ity andiany ity.

Pati