Fampianarana

DREN Analamanga Tsy mianatra ny mpianatra anio 9 marsa

Fampianarana
Alakamisy 09 Martsa 2017

Nahazo fanairana loko mena ny faritanin�Antananarivo, misy faritra efatra dia Analamanga, Vakinankaratra, Bongolava ary Itasy.

Efa nahazo toromarika ireo tompon’andraikitry ny fampianarana eny anivon’ny fari-piadidiam-pampianarana (Cisco), sy foibem-paritry ny fampianarana (DREN) fa tsy mianatra ny mpianatra anatin’ireo faritra mahazo fanairana loko mena manerana ny Nosy. Voakasik’izany Analamanga. Tsy mbola mianatra araka izany ny mpianatra anio alakamisy 9 marsa ato amin’ny DREN Analamanga. Fa anisan’ny nitondra faisana tamin’ity rivodoza Enawo ity ny sehatry ny fampianarana. Raha ny tarehimarika vonjimaika nomen’ny minisitry ny fanabeazam-pirenena Rabary Paul omaly hariva dia efitranon-tsekoly miisa 13 no rava, 20 nisy fahasimbana, 28 niendaka ny tafony. Sekoly 2 rava tanteraka, 9 hafa dibo-drano. Mpianatra miisa 2 namoy ny ainy ary mpampianatra iray niditra hopitaly.

Jean D.