Fampianarana

DNELM Avaradrano Tafakatra 80 % ny voka-panadinana noho ny fanofanana ireo mpampianatra

Fampianarana
Zoma 28 Febroary 2020

Tena fahombiazana no azo avy amin’ny fanofanana ny mpampianatra izay tokony hatao in-droa isan-taona raha kely. Anisan’ny andraikitra

sahanin’ny DNELM (Delegation Nationale des ecoles libres de Madagascar) izany. Ho an’Avaradrano dia nahatratra 80 % ny voka-panadinana azony tamin’ny taon-dasa, raha araka ny fanazavan-dRasoafidy Helinoro, filoham-paritra Avaradrano. Ezahin’izy ireo hotohizana hatrany ny hetsika mba tsy hionona fotsiny amin’ny fijerena boky ny mpampianatra fa ho tia karokaroka ihany koa. Nanatanteraka fambolen-kazo teny Antanetibe Ikianja, kaominina Ambohimangakely izy ireo omaly. Zana-kazo oliva miisa 510, nandraisana mpianatra 510 anjara no natsatoka tamin’izany, avy amina sekoly tsy miankina miisa 10. Efa fanaon’ny DENLM Avaradrano isan-taona ny tahaka izao ary misy ny fanaraha-maso tanterahina afaka iray volana. Tanjon’ny DNELM Avaradrano ny hanamaitso volo an’i Madagasikara ho tombontsoan’ny tarana faramandimby.

Pati