Fampianarana

Cours” atolotry ny depiote Todisoa Maherin’ny 800 ireo mpianatra tonga

Fampianarana
Alatsinainy 05 Jona 2023

Nanomboka ny sabotsy 03 jona teo ny ilay “Cours maimampoana” atolotry ny depiote Todisoa Andriamampandry ho an’ireo tanora ao amin’ny Boriborintany faha-6 eto Antananarivo Renivohitra.

Fampanantenana efa nataony mba ho fanampiana sy fanohanana ireo tanora hiatrika ny fanadinam-panjakana BEPC sy Bakalorea. Ankoatra ny tan-tsoroka ara-pampianarana, maimaimpoana ihany koa ny “Polycopies” ho an’ireo mpianatra rehetra. Maherin’ny 800 ireo mpianatra nisoratra anarana sy tonga niatrika izany ny sabotsy teo, ka nirary soa ho azy rehetra sy ireo zanaka Malagasy rehetra hanala fanadinam-panjakana mba hahay sy afaka soa aman-tsara ity depiote ity. Tsy adinon’ity olom-boafidy ity ihany koa omaly alahady ny nirary soa ireo Renim-pianankaviana noho ny fetin’ny Reny omaly. “Ny Reny loharanon'aina, ny fitiavany anie tena mamy. Anio ilay fety ka dia arahabaina, ho ambinina hatrany hatrany. Ilay nian-kindrindrina irery e, nisotro ny rano tsy tiana! Misaotra ary koa mankahery, anareo Renim-pianakaviana! Mirary soa sesehena, Ho ambinim-bola aman-karena. Ho ela velona ho salama finaritra, ho ampoky ny soa, ho tahian'Andriamanitra!”, hoy ny Depiote Todisoa Randriamampandry nirary soa sady naneho an-tsary fa akaiky ary miray fo amin’ireo Reny rehetra ny tenany.
Toky R