Fampianarana

CLAC miisa 27 manerana ny nosy Novatsian’ny OIF “tablette” hanamorana ny fanabeazana ny ankizy

Fampianarana
Zoma 23 Novambra 2018

Nahazo tablette miisa 140 ireo CLAC na « Centre de lecture et d’animation culturelle » miisa 27 manerana ny Nosy, omaly.

Ny OIF ( organisation internationale de la francophonie) tamin’ny alalan’ny masoivoho iray no nanolotra izany hahafahana manamora ny fanabeazana ireo ankizy sy tanora any ambanivolo. Araka ny fanazavan-dRamatoa Ramilison Rasoamanarivo Victorine, tale jeneralin’ny ivontoeran-kolontsaina CMDLAC dia izy ireo no hitantana ny fitaovana. Boky manodidina ny 6 hetsy isa miampy ireo karazana encyclopedie no hampidirina ao anatin’ireo tablette ireo. Izay boky tsy hitan’ireo ankizy sy tanora ao anatin’ny trano famakiam-boky dia azony jerena ao anatin’ireo tablette ireo avy hatrany. Ireo mpanentana eny anivon’ireo tranomboky no hampianarina voalohany hikirakira ny fitaovana . Ny tanjona dia samy hahazo tombontsoa avokoa ireo ankizy sy tanora mpianatra eny Ambanivolo. Tetsy Antaninarenina misy ny foiben-toeran’ny OIF moa no nanaovana ny lanonana mifandraika amin’izany omaly, natrehin’ny minisitry ny kolontsaina sy ny fampiroboroboana ny asa tanana Ramatoa Johasy Eleonore.

Pati