Fampianarana

CEPE sy BEPC 2017 Maimaimpoana ny fisoratana anarana

Fampianarana
Alakamisy 02 Martsa 2017

Tsy misy saram-pisoratana aloa amin`ny fanadinam-panjakana CEPE SY BEPC taom-pianarana 2016-17.

Efa nanterin`ny tompon`andraikitry ny fanabeazana izany tamin`ny fihaonany tamin`ireo talen`ny sekoly tsy miankina raha vao nanomboka ny taon-tsekoly. Nahagaga anefa fa mbola nisy ihany ny fanangonana vola 1.500 ariary isaky ny mpianatra hanala CEPE ary 3.000 ariary isaky ny mpianatra hanala BEPC tao amin’ny faripiadidiam-pampianarana Atsimondrano. Mitaky ny hamerenana ilay vola ny ray aman-dreny sy ny tale maro nefa misy tompon`andraiki-panjakana toy ny talen`ny CEG sasany manamafy fa tokony hatao io fitakiam-bola io fa tsy misy ny vola natokana hikarakarana ny fanadinana. Nambarany fa tsy hisy fanadinana handeha eo raha haverina io vola io. Inona no marina ? Tena tsy manam-bola ve ny fanjakana fa miteniteny foana sa ny tompon`andraiki-panjakana aty ambany no te hikirakira vola amin`ny tsy marina ? Mazava mantsy ny voalaza fa tsy misy vola aloan`ny mpianatra. Raha ny saran`ny hajia 400 ariary angamba dia azo ekena fa ny ankoatr`izay dia tena tsy izy sady famitaham-bahoaka. Fa maninona no ifandroritana ?

Rabeso