Fampianarana

« Carrefour de la formation, des metiers et de l’emploi » Hisy tolotr’asa ho an’ny olon-dehibe

Fampianarana
Alarobia 18 Jolay 2018

Hotanterahina ny 27 sy ny 28 jolay ho avy izao etsy amin’ny Alliance Française Andavamamba ilay hetsika “Carrefour de la formation, des métiers et de l’emploi” andiany faharoa karakarain’izy ireo.

Tranoheva manodidina ny 60 isa no handray anjara ao . Araka ny fanazavan-dRtoa Rindra Dupree, tompon’andraikitra eo anivon’ny AFT Andavamamba dia ny hahafahana manampy ireo tanora afa-panadinana Bakalôrea vonona ny hiditra eo amin’ny sehatry asa na koa hampitombo ny fahalalana sy ny traikefa hananany no tanjona. Maro ireo karazana paikady hampahafantarina azy ireo mandritra izany toy ny fahaizana sy fifehezana ny tenim-pirenena vahiny izay hananan’ny AFT traikefa tsara, ny fomba fandrafetana ny taratasy fangatahan’asa eny anivon’ny orinasa… Fa anisan’ny hampiavaka ity andiany ity, raha araka ny fanazavana azo hatrany ny fisian’ny tolotr’asa ho an’ireo olon-dehibe. Tafiditra ao anatin’izany ireo te-hanana asa ambonimbony kokoa noho ny efa niainany teo aloha, entina hanatsarana ny fari-piainany. An’arivony moa ireo olona andrasana ho avy hitsidika ny hetsika mandritra ireo roa andro ireo.

Pati