Fampianarana

Boriborintany faha-6 Hitondra am-bavaka ireo mpanala fanadinana rahampitso

Fampianarana
Sabotsy 11 Aogositra 2018

Araka ny vinan’ny Ben’ny tanànan’Antananarivo Lalao Ravalomanana amin’ny fijerena manokana ireo renim-pianakaviana sy ny ankizy,

izay ny lehibe indrindra ny fijerena ny aim-panahin’izy ireo dia hanao vavaka fangataham-pitahiana ho an’ireo mpanala fanadinana ny boriborintany faha- 6 kaominina Antananarivo renivohitra (CUA) ny alahady ho avy izao manomboka amin’ny 2 ora sasany ao amin’ny FJKM Antanety Fitahiana Ambohimanarina SPAA10. Koa antsoina ireo ray aman-drenin’ny mpianatra sy ny ankizy hanala fanadinana CEPE , BEPC ary BACC ao hanatrika io fotoam-pivavahana io araka ny nambaran’ny delegeny Fehizoro Andriamananjezika. Ny hitondra ny hafatr’Andriamanitra dia ny tonian’ny dorkasy foibe FJKM ny mpitandrina Dynah Trimozafy. Nanamarika i Fehizoro Andriamananjezika fa izao no tanteraka dia noho ny fiaraha-miasa tamin’ny antoko Tiako i Madagasikara (TIM) ao amin’ny boriborintany. Aorian’ny fotoam-bavaka dia hisy ny fanomezana marika kely fahatsiarovana hatolotra ireo ankizy mpanala fanadinana avy amin’ny ben’ny tanànan’Antananarivo Lalao Ravalomanana.