Fampianarana

Bakalorea 2019 Haroso ny 30 septambra hatramin’ny 4 oktobra

Fampianarana
Talata 22 Janoary 2019

Haroso ny 30 septambra ka hatramin’ny 4 oktobra ho avy izao ny fanadinam-panjakana bakalôrea amin’ity taona 2019 ity saingy mbola hiandrasana fankatoavana ny didim-pitondrana izany.

Araka ny fanazavan-dRazafimahatratra Dieudonné, tale misahana ny sekoly tsy miankina eo anivon’ny minisiteran’ny fampianarana ambaratonga ambony sy ny fikarohana ara-tsiansa mantsy dia efa tsy mety amintsika eto Madagasikara intsony raha faran’ny volana oktobra hanatontosana ity fanadinam-panjakana iray ity noho ny ranon’orana ateraky ny fotoam-pahavaratra. Ankoatra ny tsy fandriampahalemana dia mety efa olana be koa ny fitaterana ny laza adina ao anaty orana sy ny fivezivezen’ny mpiadina. Hanomboka ny 25 febroary ho avy izao, ka hatramin’ny 30 aprily ny fisoratana anarana ho an’ireo mpianatra ao amin’ny kilasy famaranana. Mitentina 15.000 Ar kosa ny sarany aloa ho an’ireo mpiadina avy amin’ny sekoly raha 50.000 Ar kosa ho an’ireo mpiadina tsotra. Tafakatra 100.000 Ar kosa izany ho an’ireo teratany vahiny. Ho an’ny fanadinana Bakalôrea teknika moa dia ny 7 oktobra ka hatramin’ny 10 oktobra no hanatanterahana ny andiany faharoa amin’izany. Hiroso herinandro mialoha daholo ihany koa ny fanadinam-panjakana hafa rehetra. Ho an’ny fanadinana CEPE dia ny 27 aogositra no hanatanterahana izany….

Pati