Fampianarana

BACC tetsy amin’ny LMA Ampefiloha Mpiadina 78 isa no tsy tonga, sokajy A2 ny ankamaroany

Fampianarana
Talata 25 Jolay 2017

Notanterahina nanomboka omaly alatsinainy 24 jolay manerana ny Nosy, haharitra efatra andro ny fanadinam-panjakana Bakalôrea.

Ho an’ny tetsy amin’ny foibem-panadinana LMA Ampefiloha manokana dia 12 taona no zandriny indrindra. Tsy nisy ny olana, tamin’ny ankapobeny, araka ny fanazavan-dRakotondraibe Nicolas Jacques, chef de centre. Mpiadina iray tapa-tongotra no voatery nafindra toerana, mpiadina 78 isa no tsy tonga, ka ireo ao amin’ny sokajy A2 no betsaka. Nisy ihany koa ireo nanadino ny taratasy fiantsoana azy tamin’ny adina ara-panatanjahantena sy ny kara-panondrony. Na izany aza dia efa manana lisitr’ireo mpiadina ao aminy ity foibem-panadinana ity, ka tsy olana ho azy ireo loatra. Tsy maintsy mitondra ireo taratasy ireo kosa ny mpiadina anio, andro faharoa. Miisa 2.925 ireo mpiadina voasoratra anarana miatrika ny fanadinana Bakalôrea ao amin’ny LMA Ampefiloha. Boribory avy hatrany ny naoty, ho an’ireo tsy tonga omaly. Mbola afaka miatrika ny fanadinana anefa izy ireo anio. Marihina fa 20 tamin’ireo mpiadina tonga no nanolo taratasim-panadinana, antony tsy nahampy ny taratasy tao amin’ity foibem-panadinana iray ity.

Pati