Fampianarana

Antsiranana Voasambotra ilay nisoloky ho mpivarotra « sujet bacc »

Fampianarana
Alarobia 19 Jolay 2023

Tovolahy iray voalaza ho mpisoloky nivarotra laza adina bakalorea no nosamborin’ny mpitandro ny filaminana tany Antsiranana ny Alatsinainy 17 Jolay lasa teo.

Taorian'ny fitarainana nataon'olona maromaro voasoloky tamina resaka laza adina bakalorea dia nandray ny andraikiny ny polisy. Raha tsiahivina dia hamidy amin'ny tambazotran-tserasera izy io ka rehefa mandefa ny vola amin'ny alalan'ny finday dia hataon'ilay olona "liste noire" ireo nividy izany. Nanokatra fanadihadiana ny lehiben'ny sampana miady amin'ny heloka an'habaka izay niara-niasa tamin'ny tambazotra iray eto an-toerana ka tratra tao Lazaret ny anaolahy tokony ho tamin'ny 06 ora sy 15minitra maraina. Rehefa natao ny fanadihadiana dia fantatra fa tovolahy mpianatra izay vao 22 taona ny tenany ka karapanondron'olona very no nentiny nividianana "puce" hanaovany ny asa ratsiny. Voatazona ao amin'ny kaomisaria foiben'Antsiranana ity farany ary mbola mitohy ny fanadihadiana hatao aminy.
Pati
Legende : Ity ilay tovolahy tratra