Actualités

Zandarimariam-pirenena Hampahalalana misimisy kokoa ny tantarany sy ny fivoarany

Actualités
Alarobia 02 Aprily 2014

Mikarakara hetsika lehibe ny eo anivon’ny zandarimariam-pirenena anio alarobia 02 aprily nomena anarana hoe : “Andron’ny Zandarimariam-pirenena”. Manerana ny Nosy ny hetsika, fa ho an’ny eto an-drenivohitra dia hatao eny amin’ny minisiteran’ny kolontsaina sy ny vakoka Anosy.

Hisy ny fampirantiana hampahalalana misimisy kokoa ny tantaran’ny Zandarimariam-pirenena sy ny fivoarany. Hisy ihany koa fampisehoana fahaiza-manao sy hakingana ary valandresaka arahina adihevitra. Raha tsiahivina dia ny 02 aprily 1969 no daty nandraisan’i Lietnà-Kolonely Richard Ratsimandrava ny fibaikoana ny zandarimariam-pirenena, izay manamboninahitra malagasy voalohany nitazona izany andraikitra izany.