Actualités
Alarobia 07 Aogositra 2013
Zana-dRanavalona
> Hanamarika ny Alahamadibe rahampitso 08 aogositra
Raha ny 18 sy ny 19 aogositra no nanamarihana ny Alahamady na ny taona vaovao 2012 ho an'ny fikambanan'ny zana-dRanavalona dia hanomboka rahampitso alakamisy 08 aogositra indray haharitra telo andro no hanamarihany izany amin'ity taona 2013 ity.
Eny Anosimanjaka ihany no hanatanterahana ny lanonana mifandraika amin'izany izay nambaran'ny filohany Ny andriana Ravelonarivo Alain Eddie fa tsy izy ireo no nanao ny daty fa avy amin'ny boky nosoratan'i Abibe. Manana ny hafatra ho entiny ho an'ny Malagasy hatrany izy ireo rehefa vanim-potoana tahaka izao. Tamin'ny taona 2011 ohatra dia niantso ireo mpanao pôlitika ny fikambanan'ny Zana-dRanavalona mba hihavana. Tamin'ny taona 2012 indray dia mbola niantso ny mpanao pôlitika ihany izy ireo mba hampitsahatra ny fifandirana ary amin'ity taona 2013 ity dia Andriamanitra mihitsy no antsoin'izy ireo hanome fahendrena sy fahamarinana ny Malagasy mba hahatonga saina ny tsirairay ka hanaiky hihavana sy hifamela heloka. Fanadiovana ny tanàna no hisantarana ny hetsika eny Anosimanjaka rahampitso alakamisy manomboka amin'ny 06 ora hariva. Amin'ny alalan'ny arendrina no hanatanterahana izany arahin'ny fitsofana mozika. Arahina fandroana izany sy famonoana omby volavita izany ny ampitso raha hofaranana amin'ny hira gasy manetriketrika kosa ny sabotsy 10 aogositra.
Pati
Tia Tanindrazana
Samia mijoro ho an'i Gasikara.
Ao amin’ity sokajy ity ihany : Actualités
-
Kaominina
- Alatsinainy 11 Mey 2026
(1).jpg)
-
Ampatakamaroreny – Mandritsara
- Alatsinainy 11 Mey 2026
-
Sommet Afrique–France
- Alatsinainy 11 Mey 2026
.jpg)
-
Tsiahy ny ady lehibe faharoa
- Alatsinainy 11 Mey 2026
(1).jpg)
-
SEHATRY NY ANGOVO
- Alatsinainy 11 Mey 2026
.jpg)
-
Valanjavaboaharin'i Makay
- Alatsinainy 11 Mey 2026