Actualités

Vazaha mihetraketraka Afaka foana, tsy misy sahy mikitika

Actualités
Alarobia 26 Martsa 2014

Manjaka ny vahiny eto amintsika raha ny tranga tao Manakara ity no zohina.

Vazaha iray monina any an-toerana manaraka vehivavy malagasy no in-droa nandona tranon’olona sy nandratra olona tamin’ny fiarany, farany teo tao amin’ny Fokontany Andregna Manakara, kanefa tsy voakitikitika ary mbola izy manao lozam-pifamoivoizana manimba fananan’olona sy mandratra indray no avo vava. Tia mandeha mafy ity vazaha ity rehefa mamo. Tsy voatanany intsony ny familiana ka mifatratra any amin’ny tranon’olona tsy manan-tsiny ny fiara entiny. Vokatr’izany, nisy olona telo naratra ka tapa-tongotra ny roa. Nanao raharaham-pihavanana ny tenany ka vitavita mora foana ny raharaha, ary mbola mamerin-keloka hatrany avy eo.