Actualités

Vary mora Mijanona ho fampanantenana ny an�i Toamasina

Actualités
Talata 22 Febroary 2011

Antananarivo renivohitra aloha hatreto no ezahan’ny Fahefana Avon’ny Tetezamita totofana vary mora, mba hampitoniana ny fahoriam-bahoaka tsy hahatonga ireto farany hitroatra eo anatrehan’ny fiakaran’ny vidim-piainana andro aman’alina. Mijanona ho fampanantenana fotsiny kosa ny amin’ny faritra. Tsy nitsahatra ny hiakiakan’ny olona milaza fa «lafo loatra ny vibim-bary e !» tamin’ny fandalovan’i Andry Rajoelina tao Toamasina ny sabotsy 12 febroary 2011 iny.

Tampoka taminy ihany ilay hiakiaka ary saika tsy nahita navaly i Andry Rajoelina, ka nilaza tsy satry fa «tsy hamela ny Malagasy ho noana aho” ary nampanantena fa afaka folo andro dia hiverina hitondra vary mora ?! Folo andro aty aoriana mbola ny vidim-bary teny an-tsena hatrizay no hita eny an-tsena. 2000Ar ny kilaon’ny vary makalioka tsara, 1400Ar ka hatramin’ny 1600Ar ny ankamaroan’ny vary. Ambatobevohoka, araka izany, ilay vary mora, raha ao Toamasina. Ny any an-toeran-kafa moa dia mahatsiaro ho zanak’Ikalahafa toy ny efa niainana tao anatin’izay roa taona izay.

Jean D.