Actualités

VAOVAO TAPATAPANY

Actualités
Alatsinainy 16 Mey 2011

Nindaosin’ny fahafatesana tao Antsirabe ny alin’ny sabotsy 14 mety teo ny zokilahin’ny Lietnà-kolonely Andrianasoavina. Polisy izy io. Andrasana raha hahazo fahafahana hanatrika ny fandevenana io iray tampo aminy io ity manamboninahitra, voatana am-ponja any Tsiafahy noho ny raharaha BANI io.

Tsy azo sotroina amin’izao ny rano amin’ny paompy any amin’ny distrikan’i Manjakandriana. Tato anatin’ny tapa-bolana mahery no nisehoan’izany, araka ny vaovao voaray. Mivadika ho mena manopy mavo ny lokon’ny rano no sady misy fofona. Hentitra ny fanaraha-maso ireo ankizy zatra misotro rano mangatsiaka noho izany raha mahatsiaro fadiranovana ihany koa ny lehibe.

Tovolahy iray indray ny sabotsy lasa teo no voaendaka finday teny Analakely raha niantso an-tariby ny namany iray avy ao anaty taxi be. Araka ny nambaran’ilay tovolahy dia nipetraka nanoloana ny varavarankely izy. Rehefa niantso ilay namany anefa izy dia namoaka ny lohany tany ivelan’ny fitaratra noho ny fitatatatan’ilay vata fandrenesam-peon’ilay fiara. Vao mainka nanamora ny asan’ilay mpanao ratsy izany ka izao nafoy hatramin’ny finday izao.

Nangonin’i Pati