Actualités

VAOVAO TAPATAPANY

Actualités
Alarobia 04 Mey 2011

Hanatevina ny fitokonana hataon’ny mpianatra eny Ankatso anio alarobia ireo mpianatra eny amin’ny polytechnique eny Vontovorona. Ho fanamafisana ny fitakiana ny amin’ny tokony hivoahan’ny daty hanombohan’ny taom-pianarana 2010-2011 moa no anton’izao fitokonana izao izay tena mampanahy azy ireo mafy tokoa.

Mandry andriran’antsy noho ny firongatry ny asan-dahalo ireo mponina eny amin’iny Kaominina Fenoarivo, Antananarivo Atsimondrano. Ankoatra ny vaky trano izay efa iainana isan’andro mantsy dia efa tonga eny an-tsena manendaka ny vola eny an-tanana hividianana zavatra ihany koa ireo tontakely ka anisan’ny tena lasibatra ireo vehivavy efa zokinjokiny sy ireo ankizy madinika hirahina miantsena.

Hasiam-panavaozana avokoa ireo kianja filalaovam-baolina efa simba any amin’ny distrikan’i Vatomandry raha hisy ihany koa ny asa fanamboarana kianja iray vaovao. Nandritra ny fandalovan’ireo teknisianina eo anivon’ny ministeran’ny fanatanjahantena any an-toerana no nahafantarana izany ny herinandro lasa teo, tafiditra ao anatin’ny fanamby nomen’ny minisitra tomponandraikitra.

Nangonin’i Pati