Actualités

Vaomiera mpanadihady ny ady tany Hanomboka amin’ny raharaha Antanandrano

Actualités
Zoma 26 Novambra 2021

Nanomboka omaly teny Tsimbazaza ny fivorian'ireo solombavambahoaka mpikambana ao anatin’ny vaomiera mpanadihady ny ady tany eny amin'ny Antenimieram-pirenena izay ahitana solotenan'ny vondrona parlemantera

rehetra misy eny amin'ity andrim-panjakana mpanao lalàna ity dia ny TIM, IRD, GPR ary ireo solombavambahoaka tsy anaty vondrona, hoy ny fampitam-baovao. Hiady amin'ny tsy rariny, ny tsindry hazo lena ity vaomiera ity, hoy ireo mpikambana. Tsy misalovana ny asan'ny fitsarana kosa fa mihaino ny andaniny sy ny ankilany, izany hoe, tsy mihaino feon-dakolosy tokana. Omena ny tompon'andraikitra mahefa izay fehin-kevitra mivoaka eo. Ny praiminisitra, ny filoham-pirenena, ny malagasy rehetra manerana ny nosy dia afaka mametraka fitarainana amin'ity vaomiera ity avokoa, hoy hatrany ny fanazavana. Ny raharaha Antanandrano izay mampifanolana ny malagasy mpandova sy ny orinasan-tserasera iray eto moa no isany raharaha mafana hanombohan’izao vaomiera izao ny asa, raha ny fanamarihana natao.
J. Mirija
Legende: Teny Tsimbazaza omaly