Actualités

Tsy ampy ny vola Mikoropaka ny ministeran�ny Atitany

Actualités
Alakamisy 14 Martsa 2013

May volon-tratra ny ao amin�ny ministeran�ny Atitany ka miantsoantso isan�andro ny amin�ny tokony hanomezan�ny fitondrana tetezamita indray ny ampaham-bola hanatanterahana ilay �op�ration� kara-panondro sy ny fizarana kopia mitety vohitra.

Araka ny fanazavana voaray mantsy dia ho tapitra tanteraka amin’ity herinandro ity ilay vola 1,2 miliara Ariary teo am-pelatanany. Manodidina ny 3 miliara Ariary anefa no nangatahan’ny ministeran’ny Atitany mba hahafahana manatanteraka ny hetsika ka hanomezana kara-panondro ny olom-pirenena miisa 850 000. Araka ny feo mandeha dia mailo amin’ny handrotsahana volabe ao amin’ny ministeran’ny Atitany ny eny Ambohitsorohitra, tena hentitra amin’ny fanaraha-maso ny nampiasana izany vola izany. Isan-kerinandro dia tsy maintsy hita sy re amin’ny fampahalalam-baovao foana ny ao amin’ny ministeran’ny Atitany mitatitra ny asa vita sy mampatsiahy fa tsy ampy ny vola eo am-pelatanana, saingy ho lany ihany ny vola ity fa tsy mbola nisy ny fanampiny. Ho hita eo ihany ny mety hofivoaran’ny toe-draharaha amin’ity herinandro ity.

RTT