Actualités

Tsipoapoaka Azo ampiasaina amina toerana mihidy

Actualités
Sabotsy 04 Jona 2016

Tsy afa-misaraka amin�ny fankalazana ny fetim-pirenena 26 jona ny filalaovana tsipoapoaka, ho an�ny ankizy.

Mikasika izay indrindra dia nanambara ireo komity nasionaly mpikarakara ny hetsika fa tsy voarara ny fampiasana sy ny filalaovana tsipoapoaka amin’ity taona ity, hahafahan’ny rehetra mifety sy mifaly. Notsindrian’izy ireo kosa fa noferana ny fotoana ahafahana mampiasa izany sy ny toerana hanaovana azy. Tsy azo atao, ohatra, ny manapoaka na manipy tsipoapoaka amin’ny toerana be olona na mivorivory. Tsy azo atao ihany koa ny manaitra ireo mpandeha an-tongotra eny amin’ny arabe, fa tsy maintsy amina toerana mihidy, toy ny tokotany no anaovana azy. Mikasika ireo olon-tsotra manam-paniriana ny handefa afomanga ho azy manokana mandritra ny fety, dia nomarihin-dRakotoarisoa Jean Lucien, talen’ny kabinetra eo anivon’ny minisiteran’ny fiarovam-pirenena, fa tsy maintsy maka alalana manokana izy ireny. Toraka izany koa ireo mpivarotra sainam-pirenena kely apetraka amin’ny fiara. Ny loko mena no ambony ary ny maitso no ambany. Tokony ho mangirana doré ihany koa ilay kirofarofany manodidina azy iny fa tsy izay loko tiana mba ho fanajana ny fiandrianam-pirenena.

Pati