Actualités

Trangam-piainana Zazavavy kely 3 taona nisy nanary tao anaty taxibe

Actualités
Alakamisy 24 Novambra 2022

Tena sarotra ny fiainana. Mahavita manaotao foana mihitsy Ramalagasy vokatr’izany eny fa na dia ho an’ireo Reny niteraka nitondra folo volana an-kibo aza.

Zazavavy kely iray manodidina ny 3 taona indray omaly no fantatra fa nisy nanary tao anaty taxibe-n’i Mahitsy. Taxibe niainga tetsy Vassacos niazo an’i Mahitsy no nisy azy io. Rehefa tonga tany amin’ny tobim-piantsonana farany anefa dia tsy nisy nitondra toy ny zanak’olona rehetra ilay tsy manan-tsiny hany ka nipitrapitra kely fotsiny no sady nitomany. Izany anarana haingo izany no niverimberina tao am-bavany, anarana izay tsy fantatra na anaran-dReniny na anaran’ilay olona mety ho nitondra azy ka nanary azy. Fanontaniana mipetraka araka izany ny hoe : tena nariana marina ve ity zazavavy kely ity sa adinon-dReniny na izay olona nitondra azy. Amin’ny ankapobeny anefa dia tsy tokony hisy Reny hanadino zanaka izany na olona nitokisana nampitodraina zaza ka hanary izany eny an-dalana. Napetraka ao amin’ny zandarimariam-pirenena ao Mahitsy moa ity zazavavy kely ity mandrapahitan’izay fianakaviany.

Pati