Actualités

Partagé sur :
• facebook

Ireo havanay any amin’iny Faritra SAVA iny no miasa amin’ny resaka “bois de rose” ankehitriny, hoy ny CT Beanjara Paul avy any Vohémar.

 Taloha izy io, hoy izy, dia tsy nisy niraharaha firy satria nifototra tamin’ny fikarakarana lavanila ny olona tany. Nitoba betsaka anefa ny entana ka tsy nisy mpaka sy mpividy ity vokatra lavanila ity ka roboka tamin’ny fikapana “bois de rose” avokoa ny rehetra rehefa naheno fa misy kaomandy be dia be ary volabe no miasa amin’izy io satria ny bolabola iray dia mety ahazona 6 alina ariary. 220 no mahafeno kaontenera iray, raha kaontenera 25 izany dia mila bolabola 2000 ka sitrany ahay vola maimaika hasolo ny lavanila. Ny vahaolana voalohany amin’ity resaka ity, hoy izy, dia ny fanatonan’ny fanjakana ny mpitana ireo vokatra nokapaina ka angalana ny haba tena mifanandrify amin’izay misy. Raha apetraka amin’ny hoe “tsy ara-dalàna” ireo hazo rehetra nokapaina ireo”, hoy ity CT ity, “dia tsy ara-dalàna koa ny nataon’ny fanjakana satria avy amin’izy ireo ny fahazoan-dalana hanao ity fandrarahana ity”. Ny vahaolana faharoa nomeny kosa dia ny fanamboarana ny lalana 160 km mampitohy an’Ambilobe sy Vohémar izay efa ho 100 taona izao tsy nisy nikitika azy io ireo fitondrana nifandimby ka zary nitoka-monina iny faritra iny. Raha io lalana io no vita dia hazoto hamokatra indray ny olona satria ho tafavoaka ny katsaka, tsaramaso, akondro, mangahazo ary fary izay tena vokatra be daholo any. Mahavokatra ny any SAVA satria amin’ny volana oktobra ihany any no misy ny main-tany fa tena mando lava.

Manohy

Tia Tanindrazana

Samia mijoro ho an'i Gasikara.