Actualités

TONDRA-DRANO ENY ANKADINDRATOMBO Mety hisy fanjerana tranon-kisoa sy gabone

Actualités
Zoma 28 Oktobra 2022

Nahitana tondra-drano sahady teny Ankadindratombo sy ny manodidina samy ao anatin’ny kaominina Alasora Avaradrano ny fiandohan’ny herinandro teo.

Vokatry ny firotsahan’ilay ranon’orana voalohany teto an-drenivohitra iny no nahatonga izany izay nomarihin’ny Ben’ny Randriantsoa Jimmy fa tsy tokony hisy olana mihitsy. Tapitra nanorenan’ireo olona sasany trano kisoa sy trano fivoahana mantsy ny lalan-drano tao anatin’io Fokontany io antony niteraka ilay tondra-drano. Tsy nandry andro tsy nandry alina araka izany ny kaominina nitady vahaolana mifandraika amin’izany toy ny fisokirana ireo tatatra tsentsina… Tsy hijanona hatreo ny hetsika raha araka ny fanazavan’ity Ben’ny tanana ity hatrany. Mety hisy mihitsy mantsy ny fidinana ifotony hataon’ny kaominina handrava ireo trano kisoa sy trano fivoahana manentsika ireo tatatra eny amin’iny faritra iny ato ho ato. Nomarihin’ity Ben’ny tanana ity moa fa saika lasibatr’ity tondra-drano ity avokoa ireo Fokontany amin’ny faritra manamorona an’ny By pass ka anisan’ireny ny Fokontany Ankadindratombo, Est Mahazoarivo, Ankazobe, Mandikanamana,…. Pati
Legende : Tototry ny rano tahaka izao hatrany ireo faritra iva ety amin’ny By pass rehefa fotoam-pahavaratra !