Actualités

Toetr’andro Ho maina amin’ny faran’ny taona sy ny taom-baovao

Actualités
Alarobia 28 Desambra 2022

Ho maina kokoa ny toetr’andro mandritra ny fetin’ny faran’ny taona sy ny taom-baovao amin’ity herinandro ity raha oharina tamin’ny herin’ny sasan-kalina sy ny krismasy.

Na izany aza raha araka ny fanadihadiana natao teo anivon’ny sampana mpamantatra ny toetr’adro etsy Ampandrianomby dia somary hikisaka any amin’ny ilany andrefana ny oram-baratra. Tsy ahiana kosa hisy rivo-doza hahakasika an’i Madagasikara kosa na dia izany aza. Ho maina tanteraka araka izany ny fetin’ny faran’ny taona sy ny taom-baovao ho an’ny eto afovoantany sy ny ilany atsinanana. Mety hisy misy ny fiakaran’ny maripana mandritra izany izay hanomboka anio alarobia ka hahatratra hatrany amin’ny 36° C izany ho an’ny faritra Avaratra Andrefana sy ny atitany Atsimo.
Pati