Actualités

Toby Ratsimandrava Avy amin�ny toby miaramila ilay grenady nipoaka teny ?

Actualités
Talata 30 Aogositra 2011

Araka ny tsiliantsofina dia ahiana ho nivoaka avy amin’ny toby miaramila ihany ireo grenady natsipy tetsy sy teroa teto an-drenivohitra. Midika izany fa misy ny tsy fahafalian’ny miaramila na manoloana ireo lehibeny na manoloana ny mpitondra ankehitriny mihitsy. Samy mahalala ity tranga ity avokoa ireo tomponandraikitra eo anivon’ny foloalindahy amin’izao fotoana izao. Mikasika ireo izay tena niavian’ireo grenady kosa anefa dia tsy mbola fantatra mazava. Ny azo antoka, hoy ity laharanom-baovao ity dia tsy ny sivily mihitsy no manana grenady. Ny zava-misy dia karamaina ny sivily hampiasa izany fa ny fiavian’ireo grenady dia tsy ferana mihitsy ny avy amin’ny tafika. Ho hita eo ny tohin’ny famotorana fa mikasika ilay grenady teny amin’ny Toby Ratsimandrava afak’omaly dia ny “brigade speciale” ao an-toerana ihany no manao ny famotorana.

Mohamed