Actualités

Toby Nenilava Tolagnaro Trano 10 may kila, fianakaviana 40 traboina

Actualités
Talata 30 Jolay 2013

Kila forehitra, lasa lavenona tsy nisy noraisina, ny entan’ireo fianakaviana maherin’ny 40 nonina tamin’ny trano miisa 10 ao amin’ny Toby Nenilava ao Tolagnaro. Ny zoma hifoha sabotsy tokony ho tany amin’ny 1ora maraina, no niseho ny hain-trano. An-tapitrisany maro Ariary no tombam-bidin’ireo entana mahakasika ny fiainan’ireo fianakaviana, toy ny Baiboly sy boky soratra masina, fitafiana, sakafo eny fa hatramin’ny fitaovam-pianaran’ireo mpianatra hiatrika fanadinana... Ny lamba sy fitafiana teny an-koditra no sisa tavela. Vokatry ny tsy fitandremana nataona tovolahy iray no nahatonga ny afo. Noho fifanomezan-tanana nataon’ny manodidina, no tsy nitarany lavitra. Soa fa tsy nisy ny aina nafoy na olona naratra.

Natiora OTH