Actualités

Toamasina Niakatra 23% ny taham-pahafahana CEPE

Actualités
Talata 23 Jolay 2013

Omaly antoandro taorian�ny fivoriana nataon�ireo mpitsara ny fanadinana ny maraina no nivoaka ny valin�ny fanadinana CEPE 2013 ho an�i Toamasina I.

Raha noharina tamin’ny taona 2012 dia nahitana fisondrotana manodidina ny 23% ny taha, satria 88,28% izany tamin’ity taona ity. Araka ny fanazavana azo dia afaka avokoa ireo manana fahasembanana ara-pahitana niisa 07 niatrika ny fanadinana. Rangahy 60 taona no zokiny indrindra niatrika CEPE ho an’ny Cisco Toamasina I, raha zazavavy 8 taona kosa no zandriny indrindra afaka tamin’ity taona ity. Tsy gaga tamin’ny fiakaran’ny taham-pahafahana ny lehiben’ny Cisco Toamasina I, Atoa Sambany Frédéric, satria betsaka ireo namerin-taona raha ny filazany, teo koa ny ezaka nataon’ny ray aman-dreny sy ny mpanabe tamin’ny fanaraha-maso sy fanomezana ireo toromarika samihafa.

Rakoutou