Actualités

Toamasina Dahalo tratra niaraka tamin�ny basy Mas36 sy �Calibre-12� ary bala

Actualités
Sabotsy 27 Jolay 2013

Nifanehitra tamin�ny dahalo enin-dahy tamin�ny lalam-pirenena faha-5 iny ny zandary avy eo anivon�ny vondron-tobim-paritr�i Toamasina.

Raikitra ny fifandonana, ka maty voatifitra ny roa, voasambotra ny telo, ka zandary sandoka kilasy voalohany ny iray. Tafaporitsaka kosa ny iray. Tratra ihany koa ny basy “Mas-36” izay basy fampiasan’ny miaramila, araka ny fanazavan’ny kolonely Rakotobe Willy komandin’ny “groupement” ny zandary faritra Atsinanana sy “Calibre-12” basim-borona. Niisa 19 kosa ireo bala tratra tamin’izy ireo. Raha ny fanazavana dia dahalo avy nanafika mpivarotra tao Fenoarivo Atsinanana sy tao amin’ny La Pirogue Mahambo, Faritra analanjirofo izy ireo. Vao avy nandromba mpivarotra niisa dimy tao amin’ny Kaominina Andondabe izy ireo, ka nandratra mpivarotra efatra vokatry ny tifitra. Nisy ny fanarahan-dia nataon’ny Fokonolona nampian’ny zandary avy ao Foulpointe nahare ny vaovao. Vao naheno ny vaovao koa ny tao Toamasina dia avy hatrany dia nanara-dia tamin’ny RN5, ary nifanehitra tamin’izy ireo. Mbola nahatrarana odigasy maromaro koa tamin’ireto dahalo ireto, izay voalaza fa avy any Ambatondrazaka.

Rakoutou