Actualités

Partagé sur :
• facebook

Anisan’ny olana goavana iray tsy mampitombina ny sain’ny maro tato ho ato ny famonjena ireny karazana fety aman-danonana ireny taorian’ilay tranga namoizana ain’olona tsy manan-tsiny telo tetsy

Mahamasina ny harivan’ny 26 jona lasa teo. Ho an’ny THB Tour Mahajanga manokana izay hotanterahina manomboka ny 19 Aogositra ho avy izao, haharitra telo andro ao an-drenivohitr’i Boeny dia anisan’ny laharam-pahamehan’ny orinasa Star mpikarakara ny hetsika ny fitandroana ny fandriampahalemana mba hahafahan’ny olona mifety araka ny tokony ho izy. Mihoatra ny 100 tapitrisa Ar ny vola holaniana amin’izany ka olon-tsotra sy mpitandro ny filaminana manodidina ny 150 isa no indray hohetsehana mandritra ny telo andro. Mandalo fisavana in-telo ny olona vao tonga ao amin’ny Soama beach, toerana voafefy hanaovana ny lanonana vao tafiditra. Lohalaharana amin’izany ny fisavana ny kara-panondro satria natokana ho an’ireo ampy taona ihany ity toerana iray ity, ny vatan’ilay olona sao misy fitaovam-piadiana misitrika…ary ny entana hoentiny. Samy tafiditra ao anatin’ny fepetra notakian’ny kaominina ambonivohitr’i Mahajanga avokoa ireo rehetra ireo ankoatra ny fahazoan-dalana izay efa azon’izy ireo. Manaraka ny ara-dalàna izahay, hoy hatrany ireo mpikarakara  araka ny didy hitsivolana laharana 60-082 tamin’ny 13 Aogositra taona 1960. Mikasika ireo zaza tsy ampy taona miaraka amin’ny fianakaviany moa dia efa misy ny toerana voatokana ho azy ireny tsy ahitana zava-pisotro misy alikaola. Mpanakanto maro no hanafana ny lanonana toa an’i Marojoby, Ambondrona, Maitre Rufin ary Taa tense.

Pati

Tia Tanindrazana

Samia mijoro ho an'i Gasikara.