Actualités

Televiziona Malagasy Enim-bolana tsy misy Tale

Actualités
Talata 14 Jona 2016

Tamin�ny desambra 2015 no nanana Tale farany ny Televiziona Malagasy, taorian�ny nanesoran�ny fitondrana an�i Lantomalala Rasata ny 30 desambra 2015.

Nihazakazahan’ny fitondrana Rajaonarimampianina ny nanala tamin’ny toerany ny Tale tompon-toerana tamin’izay, tsy nandingana faran’ny taona, mba hanao taom-baovao akory. Raha ny hamehana tamin’izany dia toa efa vonona any ny handray an-tanana an’ity fahitalavi-panjakana ity, nisy rahateo ny anaran’olona efa henoheno teny nefa tsy mety voatendry hatramin’izao, enim-bolana aty aoriana. Vonjimaika ihany koa no misahana ny asa aman’andraikitry ny tonian-dahatsoratra. Maromaro ihany izay filankevitry ny minisitra tontosa izay, ary nisy hatrany ny fanendrena mpiasam-panjakana ambony fa tsy tao anaty lisitra ny an’ity TVM ity. Tsy laharam-pahamehana sa tsy firaharahana tsotra izao ? Higadona anefa ity ny fetim-pirenena, sa izao no mahamety azy ? Sa atao ady gasy izy ity ka vitavita ho azy eny ?

Jean D.