Actualités

Tarika Firmin Niharan-doza tany Moramanga

Actualités
Talata 29 Mey 2012

Niharan-doza ny tarika Firmin avy nanao fampisehoana nandritra ny roa andro tany Toamasina ka handeha hiantsehatra any Ambatondrazaka omaly alatsinain�ny Pentekosta.

Ny alatsinainy tamin’ny 2ora maraina, teo amin’ny 12km tsy hahatongavana an’i Moramanga dia tsy tafiditra anaty tetezana ny fiara “minibus” ary latsaka 6 m ivelan’ny lalana tany ho any. Naratra eo amin’ny tarehiny i Firmin vokatry ny fidonany tamin’ny fitaratra anoloan’ilay fiara. Izy sy i Ludovic izay “manager” ny tarika no teo aloha. Ity farany dia tapaka ny tanany. Ny mpikapoka aponga maroanaka an’ny tarika ihany koa no tapa-tongotra. Ankoatra izay dia ratra madinika, tsy dia misy atahorana ny an’ny ambiny izay samy tazana nanamafy ny fizaham-pahasalamana tetsy amin’ny HJRA avokoa omaly takariva rehefa samy nahazo ny fizaham-pahasalamana vonjimaika tany amin’ny hopitalin’i Moramanga. Eny amin’ny HOMI Soavinandriana kosa i Firmin no notsaboina. Ny tomban’ireo niharam-boina voalohany dia hoe : mety ho azon’ny torimaso fotsy ilay mpamily.

Nangonin’i Manohy