Actualités

Tapatapany PPN

Actualités
Alakamisy 14 Jolay 2016

Nisondrotra ny vidin�ireo entana fampiasa andavanandro eny an-tsena. Niakatra manodidina ny 1.000 ariary, ohatra, ny gony 50 kilao amin�ny siramamy sy lafarinina.

Torak’izany ihany koa ny vidin’ny legioma sy vary. Anton’ny fiakarana moa ny vidin-tsolika tsy mitsaha-mitombo, araka ny fanazavana.

Fanambaram-pananana

Tsy mbola nanao fanambaram-pananana ireo loholon’i Madagasikara 14 amin’ireo 63, araka ny hita amin’ny tranokalan’ny Fitsarana Avo momba ny Lalàmpanorenana tamin’ny datin’ny 11 jolay 2016. Olom-boafidy ny 12 amin’izy ireo raha 2 kosa ireo notendren’ny filohan’ny Repoblika.

Harena ankibon’ny tany

2,12% ny vola ateraky ny vokatra anatiny miditra amin’ny lalàna mifehy ny harena ankibon’ny tany Malagasy ankehitriny. Mpibizina avokoa rahateo ny 95%-n’ireo manana fahazoan-dalana mitrandraka, hoy ny minisitra mpiahy. Mahatratra hatrany amin’ny 40% na 50% anefa io salan’isa io hoan’ny firenena zambianina.