Actualités

TAPATAPANY

Actualités
Sabotsy 19 Oktobra 2013

Antoko politika efatra dia ny AME, MTS, Hasin’i Madagasikara ary ny ENINA no manana kaonty any amin’ny banky, araka ny tatitry ny SAMIFIN, izay sampana miady amin’ny famotsiam-bola.

Nahazo famatsiam-bola mitentina 400.000 euros avy amin’ny Vondrona Eoropeanina ireo vondrom-pikambanan’ny fiarahamonim-pirenena mpanara-maso ny fifidianana Socle ahitana ny Acces Zon’Olombelona sy Kmf Cnoe.

Tsy ampodiana ireo mpianatra malagasy vatsian’ny fanjakana vola any ivelany, raha ny soso-kevitry ny ministeran’ny fampianarana ambaratonga ambony sy fikarohana siantifika. Hahena ho 50% kosa ny vatsim-pianarana horaisin’izy ireo isam-bolana. Andrasana ny fankatoavana izany avy amin’ny filankevitry ny governemanta.

Mbola mandrava eto Madagasikara ny aretina pesta. Tranga manodidina ny 500 isan-taona no voaray ara-tarehimarika eto amintsika teo anelanelan’ny taona 2009 hatramin’ny 2013.

Niakatra ny salanisan’ireo ankizy mivarotena eto Madagasikara, hoy ireo fikambanana miaro azy ireo. Nohamafisin’ny Unicef fa nitombo ny tranga fampivarotan-tena ireo zaza tsy ampy taona tao anatin’ny dimy taonan’ny fitondrana tetezamita,

Notokanana omaly ny totohabato Razafindrazay miisa 416 mampitohy an’i Mahamasina sy Andohalo. Efa nampiasain’ny mponina izy io nanomboka tamin’ny fiandohan’ity volana oktobra ity.

Ramano F.