Actualités

TAPATAPANY

Actualités
Sabotsy 17 Aogositra 2013

Misedra olana ara-bola ny fanjakana ankehitriny manoloana ny fandraisan’anjaran’i Madagasikara amin’ny lalaon’ny Frankôfônia andiany faha-7 izay hotanterahina any Nice (Frantsa) ny 07 hatramin’ny 17 septambra 2013. Mbola eo am-pitadiavana ireo vola fandraisana anjara, sarandalàn’ireo delegasiona, ireo fitaovana ilaina ary ny hoenti-manana amin’ny fiomananan’ireo atleta mantsy ny mpitondra mahefa malagasy.

Mila teti-bola 3 tapitrisa Ariary mialoha, mandritra ary aorinan’ny fandatsaham-bato avy ireo Distrika 119 eto Madagasikara mba hampizotra antsakany sy andavany ireo fifidianana tiana hotanterahina. Efa niady hevitra momba io ireo mpikambana ao amin’ny governemanta fa andrasana kosa ny fanapahan-kevitra.

Vola mitentina 1 tapitrisa dolara no atolotry ny Banky afrikana momba ny fampandrosoana ho fanarenana ireo foto-drafitrasa sosialy ravan’ny rivodoza Haruna tamin’ny volana febroary tamin’ity taona ity.

Efa am-periny ankehitriny ny asa fanampenana ireo lavaka amin’ireo lalàna eny amin’ny Boriborintany faha-6. Kasaina ho vita mialoha ny fiavin’ny orana ny fanamboarana izay tanterahan’ny orinasa Colas miaraka amin’ny ministeran’ny asa vaventy.

Ramano F.