Actualités

Tapatapany

Actualités
Alatsinainy 05 Aogositra 2013

Kilalaon’ny mpianakavy eny amin’ny AFT. Roa herinandro mahery no faharetan’ilay hetsika andiany faha-8 ampiantranoan’ny Alliance Française eny Andavamamba. Efa nanomboka ny voalohan’ny volana teo izy io ary hifarana ny 17 aogositra 2013. Maro ireo karazan-kilalaon-tsaina hita eny toy ny karatra, ny daomy, ny fanorona vazaha sy ny maro hafa.

Fanadinana bakalorea teknika, herinandro sisa dia hiatrika ny fanadinana bakalorea ireo tanora mpiadina avy amin’ny sehatra teknika. Ny alatsinainy 12 hatramin’ny zoma 16 aogositra 2013 no hanatanterahan’izy ireo ny sedra andiany voalohany. Tanterahana miaraka amin’ny bakalorea ankapobeny manomboka ny alatsinainy 19 hatramin’ny alakamisy 22 aogositra ny fihodinana faharoa.

Hifamotoana eny amin’ny tokotany malalaky ny sekoly Esca ny faha-7 hatramin’ny faha-11 aogositra ireo sehatra mahakasika ny fambolena, ny fiompiana, ny jono ary ny asa tànana avy amin’ny faritra 22 eto Madagasikara mandritra ny Fier-Mada andiany faha-15. Manodidina amin’ny tontolon’ny fifampitokisana ny lohahevitra amin’ity taona 2013 ity.

Ramano F.