Actualités

TAPATANY

Actualités
Alakamisy 10 Oktobra 2013

Hanao valandresaka ho an’ny mpanao gazety ny SECES sampana Antananarivo rahampitso zoma 11 oktobra 2013. Horesahina ao ny fitakiana ny fandoavana ny “heures complémentaires 2011-2012” feno 100% satria asa efa vita efa ela io, ny tsy fahazoana ny ampahany betsaka amin’ny “budget de fonctionnement”-n’ny Oniversite, ny atao hoe “franchise universitaire” sy ny tokony hanajana azy, ny fahitan’ny SECES ny raharaham-pirenena sy ny fifidianana ary ny fankalazana ny faha 45 taonan’ny SECES

Ny talata 15 oktobra 2013 ho avy izao no hisokatra amin’ny fomba ofisialy ny fivoriana ara-potoana faharoa handinihan’ireo Parlemantan’ny Tetezamita ny volavolan-dalàna mifehy ny tetibolam-panjakana taona 2014. Haharitra 60 andro izy io, araka ny voafaritry ny lalam-panorenana.

Noferan’ny CENI-T ho 20.001 ny isan’ny biraom-pifidianana amin’ny fifidianana filoham-pirenena ho avy raha toa ka notombanana 20.115 izany teo am-piandohana. Nofaranana omaly ny lisi-pifidianana, ka 7.823.350 eo ny isan’ny mpifidy voasoratra anarana, izay mety mbola hisy fiovana.

Kandida filoham-pirenena telo no indray hifanotona hanao fampielezan-kevitra ao Tolagnaro anio, dia ny kandidan’ny FFF Atoa Radavidson Andriamparany Benjamin, ny kandidan’ny MMM Atoa Hajo Andrianainarivelo ary ny kandida Hery Rajaonarimampianina.

Nikatona omaly ny lisi-pifidianana eo anivon’ny distrika 119 manerana ny nosy. Raha ny filazan’ny Ceni-T dia maherin’ny valo hetsy sy fito tapitrisa ireo mpifidy voasoratra anarana.

Mametraka fanontaniana ny olom-pirenena sasany amin’ny fomba hifidianan’ireo olona sembana eo amin’ny maso amin’ity bileta tokana ity. Azon’izy ireo atao ve ny mitondra olona manampy azy any amin’ny toerana voatokana ho amin’izany ? Tsy manan-tsafidy ve izany izy ?

JD sy Rabeso