Actualités

Tambin-karama 4 miliara Ar nanjavona Nitory eny amin’ny Bianco ny mpitsirika asa

Actualités
Zoma 15 Janoary 2021

Nametraka fitoriana eny amin’ny Bianco ny Mpisirika asa na ny “inspecteurs de travail”

manoloana ny fanjavonan’ny tambin-karama tsy voaloa tokony ho 4 miliara Ar. Efa voasoratra tamin’ny tetibolam-panjakana anefa io, raha ny nambaran’izy ireo. Nametraka fitoriana izahay, mba ahafantarana hoe nankaiza marina ny tambin-karamanay. Isaorana ny minisitra nanome fiara tsy mataho-dàlana hoenti-miasa, fa ny angatahanay izao dia ny hoe nankaiza ny volanay, mitohy ny grevy. Raha tsiahivina dia horakoraka no nandraisan’izy ireo ny Minisitry ny asa sy ny lalàna sosialy ny zoma 8 janoary teo, raha nanatitra fiara tsy mataho-dàlana efatra. Tianay ho fantatra hoe iza no sahy nanala ny “ligne de crédit” mikasika ny volanay izay efa voasoratra ara-dalàna. Mahagaga hoe nahoana no tsy sahy nihetsika ny mpitarika ny sendika teo aloha, hoy ireo mpitarika ankehitriny.

Toky R