Actualités

Tambajotran-tserasera BIP Hikarakara fampisehoana goavana eny Antsonjombe

Actualités
Zoma 10 Jona 2016

Hikarakara fampisehoana goavana etsy amin�ny Coliseum Antsonjombe ny tambajotran-tserasera Bip ny alahady 12 jona ho avy izao.

Hiarahana amin’ny tarika Jerry Marcos, Samoela, Onja Tinondia, Kougar, DJ Natal ary Fou hehy ny hetsika manomboka amin’ny 1 ora folakandro. Ho fanombohan’ny BIP amin’ny fanakaikezana hatrany ny mpanjifa no tanjona sady hizarany tsiky sy hafaliana amin’ny rehetra ihany koa amin’izao ankatoky ny fetin’ny 26 jona izao. Maimaimpoana avokoa ny fampisehoana fa tsy misy vidim-pidirana. Tsiahivina moa fa efa mahatratra 11.000 sahady ireo mpanjifan’ny BIP manerana ny Nosy hatreto, hoy Rahantavao Mahefa, tompon’andraikitry ny serasera ao aminy. Anisan’ny tena itiavan’ny olona azy ireo sy hiavahany amin’ny maro ny fisian’ny mangarahara eo amin’ny saran’ny antso sy ny fanampiana ny rehetra amin’ny fikirakirana ny internet 24 ora amin’ny 24 ora. Tsy atahorana ihany koa ny reseau, hoy hatrany izy fa efa rakotra avokoa manerana ny Nosy mba ho tombontsoan’ny mpanjifa.

Pati