Actualités

SEMPAMA Amoron�i Mania Manizingizina ny tokony hanemorana ny datim-panadinana

Actualités
Alarobia 13 Jona 2012

Nitohy hatramin�ny alatsinainy 11 jona teo ary hitohy amin�ity herinandro ity ny hetsika fitakiana ataon�ireo mpampianatra mpiasam-panjakana sy mpampianatra FRAM mivondrona ao amin�ny SEMPAMA ao Amoron�i Mania.

Mbola nameno ny Kianjan’ny 90 Ariary Ambositra izy ireo na omaly talata 12 jona aza satria tsy mbola mivaly ny fitakiana natao naomboka ny 14 martsa lasa teo. Nambaran’ireo nandaha-teny tao Ambositra fa tsy iny vola 50.000 Ariary iny no notakiana fa mbola ambonin’iny sy ny zo aman-kasin’ny mpanabe ary ny fandraisana ho mpiasam-panjakana ireo mpampianatra FRAM rehetra. Mbola hamafisin’izy ireo ny fitakiana ireo tambinkarama samihafa ho an’ny mpampianatra nitsara fanadinana ara-panjakana taona 2011-2011 ankoatra ny tambinkaraman’ireo mpampianatra FRAM. Miandry ny fialan’ny Minisitry ny fanabeazam-pirenena izay tsy mety mahavaha ny olan’ny mpampianatra ny SEMPAMA ao Amoron’i Mania ka mbola mitohy hatrany ny tolona mandra-pisy ny toromarika vaovao avy any amin’ny SEMPAMA foibe. Marihana fa mbola marobe ireo sekolim-panjakana mikatona ao amin’ny Faritra Amoron’i Mania amin’izao fotoana izao noho ity fitokonana ataon’ny mpampianatra ity.
Rado