Actualités

Sambany niteraka Nanao kambana efatra avy hatrany ilay vehivavy

Actualités
Zoma 02 Aogositra 2013

Renim-pianakaviana, 20 taona, izay vao sambany niteraka herintaona taorian’ny nanambadiany, no nanao kambana efatra ka telo vavy sy lahy iray, ny 24 jona 2013, tany ambanivohitr’i Fenoarivo Atsinanana. Reninjaza no nampiteraka satria any amin’ny 15km miala ny tanànany vao misy tobim-pahasalamana. Tsy maintsy nentina tany naraha-maso ara-pahasalamana anefa izy dimy mianaka saingy namoy ny ainy ny iray tamin’ireo vavikely. Nitodi-doha namonjy fodiana izy mianakavy kely, afaka iray volana taorian’izay. Reraky ny dia an-tongotra sy nitrotro ny kambana roa ilay renin-jaza ka dia namoy ny ainy, ora roa monja taorian’ny nahatongavany tao an-tanàna. Ny anabavin-drangahy vadiny no nampinono ireo zaza telo mianadahy, ireto farany izay arahi-maso ara-pahasalamana sy omena tohana ara-tsakafo ao amin’ny hopitaliben’i Fenoarivo Atsinanana ankehitriny.