Actualités

Rongony 8 gony tratra tao Ihosy Inspecteur de police no nitondra azy

Actualités
Alarobia 18 Mey 2016

Natolotra ny fampanoavana omaly tany Ihosy ilay polisy iray 44 taona. Mpanao varomaizina rongony, miasa ao Fianarantsoa, mitondra ny galona � inspecteur de police � no tra-tehaky zandary Bemoto (brigade de s�curit� routi�re) ao Ihosy nitondra rongony miisa valo gony, ny sabotsy hariva teo, tokony ho tamin�ny 5 ora sy sasany, tao Ankily Ihosy, amin�ny lalam-pirenena fahafito iny sy ny mpamilin�ilay fiarabe.

Nafatratra tao anaty fiara iray « Renault Express fourgonnette » izay nentin’ity mpitandro ny filaminana nanao fanamiana sivily ity ny telo gony tamin’ ireo rongony, raha nentina fiarabe « semi-remorque » iray nanaraka azy avy tao aoriana kosa ny ambiny amin’ireo « jamala » dimy gony, hoy ny loharanom-baovao akaiky ny mpitandro filaminana mandray an-tanana ny raharaha. Raha ny fantatra hatrany dia avy any Kelivao Betroka ireto rongony saron’ny zandary tao Ihosy ireto, ary saika hamidy tao Fianarantsoa. Nogiazana ary nampidirina “fourrière » kosa ireo fiara.